பெண்மையை போற்றுவோம்!

பெண்மையை போற்றுவோம்!

“உயிரைகாக்கும் உயரினை சேர்த்திடும் உயிரினுக்குயிராய் இன்பமாகிடும் உயிரினும் இந்த பெண்மை இனிதடா இனிதடா ............................

நற்குணமுடைய வேந்தை

நயந்து சேவித்தலொன்று 

பொற்புடை மகளிரோடு 

பொருந்தியே வாழ்தலொன்றுபற்பல ரோடு நன்னூல். 

பகிர்ந்துவாசித்த லொன்று

சொற்பெரும் இவைகள் மூன்றும் 

இயற்கையின் சொர்க்கம் தானே ....என்று விவேக சிந்தாமணியில் எது சொர்க்கம் என்பதில் நடுநாயகமாக ,உச்சிதிலகமாக புனிதவதியாக ,மென்மையானவளாக ,மலர்ந்த முகமுடையவளாக ,இன் சொல்லரசியாக புன்சிரிப்பின் பெட்டகமாக ,சுதந்நிரச்சிந்தனை படைப்பாளியாக,உரிமைகளைக்கட்டிக்காத்து தக்க வைக்கும் தாயாக ,

வழிபடும் தெய்வமாக ,வழிகாட்டும் கருவியாக, வலம் வரும் பெண்மையைப்போற்றுவோம்!

“உள்ளே உயிர் வளர்த்து 

உதிரத்தால் பால் கொடுத்து 

அள்ளி இடும் வேளையெல்லாம் 

அன்பையே சேர்த்தனைத்து 

தொல்லை தனக்கென்றும் 

சுகமெல்லாம் நமக்கென்றும் 

சொல்லாமல் சொல்லி இடும் 

தேவதையின்கோவில்அது

தினம் பசித்த முகம் பார்த்து

பழகும் விழி பார்த்து 

பழம்தரும் சோலையது

இருக்கும் பிடிசோறும் 

தனக்கென எண்ணாமல் கொடுக்கின்ற கோவில் அது 

அது தூய்மை நேர்மை வாய்மை அதன்பேர் தாய்மை ... என்ற கவியரசு கண்ணதாசனின் வார்த்தைகளை மெய்யாக்குவோம் .... ஆக பெண் என்பவள் மகளாக மனைவியாக தாயாக தன்னலம் கருதாத தொண்டுள்ளம் கொண்டவளாக சேவகியாக உதவுவதன் மூலம்உயிர்களை வாழ்விக்க முடியும் என்ற உண்மையை உலகுக்கு உணர்த்திய முதல் ஜீவனாகிய பெண்ணின் சிறப்புகளை உயர்வினைப்போற்றுவோம்! வாழ்த்துவோம்! வணங்குவோம்! வாழ்க பெண்மை ! வளர்க அவள் நல்லறம்!

மத்திய அரசு ஊழியர்களுக்கு அகவிலைப்படி தற்போதைய 5 சதவீத அகவிலைப்படி, 2 சதவீதம் உயர்த்தப்பட்டு 7 சதவீதம் ஆகிறது.

மத்திய அரசு ஊழியர்களுக்கு அகவிலைப்படி தற்போதைய 5 சதவீத அகவிலைப்படி, 2 சதவீதம் உயர்த்தப்பட்டு 7 சதவீதம் ஆகிறது.

மத்திய அரசு ஊழியர்களுக்கு அக விலைப்படி உயர்வு 7 சதவீதம் ஆகிறது | மத்திய அரசு ஊழியர்களுக்கு அகவிலைப்படி 7 சதவீதமாக உயருகிறது. பிரதமர் நரேந்திர மோடி தலைமையில் மத்திய மந்திரிசபை கூட்டம், டெல்லியில் நடந்தது. இந்த கூட்டத்தில் மத்திய அரசு ஊழியர்களுக்கும், ஓய்வூதியதாரர்களுக்கும் அகவிலைப்படியின் கூடுதல் தவணையை விடுவிக்க முடிவு எடுக்கப்பட்டது. இது ஜனவரி 1-ந் தேதி முதல் முன்தேதியிட்டு வழங்கப்படும். தற்போதைய 5 சதவீத அகவிலைப்படி, 2 சதவீதம் உயர்த்தப்பட்டு 7 சதவீதம் ஆகிறது. விலைவாசி உயர்வை ஈடுகட்டுவதற்காகத்தான் இந்த அகவிலைப்படி உயர்வு வழங்கப்படுகிறது. இந்த தகவல் மத்திய அரசு வெளியிட்ட அறிக்கையில் இடம் பெற்று உள்ளது. இந்த அறிக்கையின்படி, அகவிலைப்படி உயர்வால் மத்திய அரசில் பணியாற்றி வருகிற 48 லட்சத்து 41 ஆயிரம் ஊழியர்களும், அதிகாரிகளும் பலன் அடைவார்கள். இதேபோன்று, இந்த அகவிலைப்படி உயர்வின்மூலம் மத்திய அரசில் பணியாற்றி ஓய்வுபெற்ற 61 லட்சத்து 17 ஆயிரம் ஓய்வூதியதாரர்களும் பலன் பெறுவார்கள். இந்த அகவிலைப்படி உயர்வால், மத்திய அரசின் கஜானாவுக்கு ஆண்டுக்கு ரூ.6 ஆயிரத்து 77 கோடியே 72 லட்சம் செலவு பிடிக்கும். 7-வது ஊதியக்குழு பரிந்துரைகளின் அடிப்படையில், ஒப்புக்கொள்ளப்பட்ட விதிமுறையின்கீழ் இந்த அகவிலைப்படி உயர்வு நடவடிக்கை எடுக்கப்பட்டு உள்ளது.

முன் அனுமதியின்றி படித்தவர்கள் மீது நடவடிக்கை

முன் அனுமதியின்றி படித்தவர்கள் மீது நடவடிக்கை
மேலும் தகவலுக்கு Click HERE

RTI - ஆசிரியர்கள் குறைந்த பட்சம் எத்தனை நாட்கள் மருத்துவ விடுப்பு துய்க்கலாம்?

RTI - ஆசிரியர்கள் குறைந்த பட்சம் எத்தனை நாட்கள் மருத்துவ விடுப்பு துய்க்கலாம்?

தொடக்கக்கல்வித்துறையின் கட்டுப்பாட்டின் கீழ் இயங்கும் அரசு தொடக்க மற்றும் நடுநிலைப் பள்ளிகளில் பணிபுரியும் இடைநிலை ஆசிரியர்கள் மற்றும் பட்டதாரி ஆசிரியர்கள் குறைந்த பட்சம் எத்தனை நாட்கள் மருத்துவ விடுப்பு துய்க்கலாம்?தகவலறியும் உரிமைச் சட்டம் மூலம் பெற்ற தகவல்

.

144 மாணவர்களுக்கு அரசு கல்லூரியில் இடம்

144 மாணவர்களுக்கு அரசு கல்லூரியில் இடம்

சென்னை: தனியார் மருத்துவ கல்லுாரியில், எம்.பி.பி.எஸ்., படித்த, 144 மாணவர்கள், அரசு மருத்துவ கல்லுாரியில் சேர்க்கப்பட்டனர். காஞ்சிபுரம் மாவட்டம், பென்னலுாரில் இயங்கி வந்த தனியார் மருத்துவ கல்லுாரியின் அங்கீகாரத்தை, இந்திய மருத்துவ கவுன்சிலான, எம்.சி.ஐ., ரத்து செய்தது. இதுகுறித்து, மாணவர்கள் தொடர்ந்த வழக்கில், '2016 -17 கல்வியாண்டில், தனியார் மருத்துவ கல்லுாரியில், எம்.பி.பி.எஸ்., படிப்பில் சேர்ந்த மாணவர்களுக்கு, அரசு மருத்துவ கல்லுாரியில், இடமளிக்க வேண்டும்' என, சென்னை உயர் நீதிமன்றம் உத்தரவிட்டது.இதையடுத்து, தனியார் கல்லுாரியைச் சேர்ந்த, 144 மாணவர்களுக்கும் சிறப்பு கவுன்சிலிங், சென்னையில் உள்ள, மருத்துவ கல்வி இயக்ககத்தில், நேற்று நடந்தது. இதில், அனைத்து மாணவர்களும், அரசு மருத்துவ கல்லுாரிகளில் சேர்க்கப்பட்டனர்.இதுகுறித்து, தேர்வு குழு செயலர், செல்வராஜ் கூறியதாவது:அரசு மருத்துவ கல்லுாரிகளில், சென்னை, ஸ்டான்லி மற்றும் புதுக்கோட்டை மருத்துவ கல்லுாரிகளை தவிர, பிற மருத்துவ கல்லுாரிகளில், கூடுதல் இடங்களை அதிகரித்து கொள்ள, எம்.சி.ஐ., அனுமதி அளித்தது. அதன்படி, 144 மாணவர்களுக்கும் இடம் அளிக்கப்பட்டுள்ளது.இவ்வாறு அவர் கூறினார்.

அரசியல் கட்சி ஆதரவு ஆசிரியர்கள் யார்? : பட்டியல் தயாரிக்க அதிகாரிகள் உத்தரவு

அரசியல் கட்சி ஆதரவு ஆசிரியர்கள் யார்? : பட்டியல் தயாரிக்க அதிகாரிகள் உத்தரவு

அரசியல் கட்சிகளுக்கு ஆதரவான, அரசு பள்ளி ஆசிரியர்களின் பட்டியலை தயாரிக்க, மாவட்ட கல்வி அதிகாரிகளுக்கு உத்தரவிடப்பட்டுள்ளது.தமிழக அரசு பள்ளிகளில் பணியாற்றும் ஆசிரியர்கள், தங்களுக்கென தனியே சங்கங்கள் அமைத்து செயல்படுகின்றனர். பல்வேறு கோரிக்கைகளை வலியுறுத்தி, போராட்டங்கள், நிகழ்ச்சிகளை நடத்தி வருகின்றனர். தேர்தல் வரும்போது, ஆளுங்கட்சி மற்றும் எதிர்க்கட்சி தலைவர்களை, சங்க நிர்வாகிகள் சந்தித்து, கோரிக்கை மனு அளிப்பது வழக்கம். தேர்தல் முடிந்ததும், ஆட்சிக்கு வரும் கட்சியின் தலைவர்களுக்கு, சங்கங்களின் சார்பில் பாராட்டு விழா நடக்கும்.இந்நிலையில், அரசியல் கட்சி தலைவர்களுக்கு சாதகமாக செயல்படும் ஆசிரியர்களால், அரசு நிர்வாகத்தின் ரகசியங்கள், கட்சி தலைவர்களுக்கு கசிவதாக, அதிகாரிகளுக்கு புகார்கள் வந்துஉள்ளன. இதனால், சங்க நிர்வாகிகளின் செயல்பாடுகளை அதிகாரிகள் கண்காணிக்க துவங்கியுள்ளனர்.இதன் ஒரு கட்டமாக, 2014 பார்லிமென்ட் தேர்தலில், தி.மு.க.,வுக்கு ஆதரவு அளித்ததாக கூறி, தமிழ்நாடு கலை ஆசிரியர் நலச்சங்க தலைவர், ராஜ்குமாரிடம் விளக்கம் கேட்டு, கல்வித் துறை அதிகாரிகள், நோட்டீஸ் அனுப்பினர். இதற்கு, ராஜ்குமார் அளித்துள்ள விளக்கத்தில், அரசியல் கட்சிக்கு ஆதரவாகவும், தேர்தலில் கட்சி தலைவர்களை சந்தித்த ஆசிரியர்கள் குறித்தும் வெளியான செய்திகளையும், கல்வித் துறையிடம் கடிதமாக கொடுத்து, தன் மீது மட்டும் நடவடிக்கை எடுப்பதா என, கேட்டுள்ளார்.இதையடுத்து, அனைத்து மாவட்டங்களிலும், அரசியல் கட்சிக்கு ஆதரவாக செயல்பட்ட மற்றும் செயல்படும் ஆசிரியர் சங்க நிர்வாகிகள், ஆசிரியர்களின் பட்டியலை சேகரிக்க, மாவட்ட அதிகாரிகள் அறிவுறுத்தப்பட்டுள்ளனர். பட்டியல் வந்ததும், அவர்களிடம் விளக்கம் கேட்டு, நோட்டீஸ் அனுப்ப உள்ளனர். அந்த விளக்கத்திற்கு பின், அவற்றில் விதிமீறல் இருந்தால், ஒழுங்கு நடவடிக்கை எடுக்க, அதிகாரிகள் திட்டமிட்டுள்ளனர்.

இலவச கணினி ஆசிரியர் மனுவை கூட நிராகரிப்பு செய்துவிட்டது மாண்புமிகு அரசு.. அரசு பள்ளிகளில் இலவசமாக பாடம் நடத்த தயார் என முதல்வர் தனிபிரிவுக்கு மனு அளிக்கப்பட்டது அதையும் கூட நிராகரிப்பு செய்துவிட்டது மாண்புமிகு அரசு!

இலவச கணினி ஆசிரியர் மனுவை கூட நிராகரிப்பு செய்துவிட்டது மாண்புமிகு அரசு.. 

அரசு பள்ளிகளில் இலவசமாக பாடம் நடத்த தயார் என முதல்வர் தனிபிரிவுக்கு மனு அளிக்கப்பட்டது அதையும் கூட நிராகரிப்பு செய்துவிட்டது மாண்புமிகு அரசு!

புதிய பாடத்திட்டத்தில் ஆறாம் வகுப்பு முதல் 10வகுப்பு வரை கணினி அறிவியல் பாடத்தை தனிப்பாடமாக கொண்டு வந்தால்கிராமப்புற ஏழை மாணவர்கள் நலனை கருத்தில் கொண்டு "அரசு பள்ளிகளில் இலவசமாக பாடம் நடத்த தயார்" என அந்த மனுவில் குறிப்பிட்டுள்ளது. கணினி அறிவியல் பாடத்தை அரசுப்பள்ளி மாணவர்களுக்கு வழங்க கூடாத நோக்கில் அதை கூட நிராகரிப்பு செய்துவிட்டது...

இடமலைப்பட்டிபுதூர் ஊராட்சி ஒன்றிய தொடக்கப் பள்ளி, .......மருத்து முகாம் நடைபெற்றது

ஊராட்சி ஒன்றிய தொடக்கப் பள்ளி, இடமலைப்பட்டிபுதூரில் ......

.மருத்து முகாம் நடைபெற்றது

01. 03 2018 மற்றும் 02.03.2018 ஆகிய இரண்டு நாட்கள் மாநகராட்சியின் மூலம் மருத்து முகாம் நடைபெற்றது.. மருத்துவ முகாமிற்கு வந்திருந்த அனைவரையும் பள்ளியின் தலைமையாசிரியர் வரவேற்றார் .முகாமில் மருத்துவர் திரு ரா. அருண்பிரசாத் எம் .பி பி.எஸ் அவர்கள் மnணவ/மாணவிகளை பரிசோதனை செய்தார். ....................... “நோய்நாடி நோய்முதல் நாடி அது தணிக்கும் வாய்நாடிவாய்ப்பச்செயல் என்ற வள்ளுவரின் மருத்துவ இலக்கணத்துக்கு இலக்கணமாய் நின்று பொறுமையுடன் குழந்தைகள் ஒவ்வொருவரையும் பரிசோதித்து , .உடனுக்குடன் பெற்றோர்களை வரவழைத்து அவர்களிடம் குழந்தைகளின் பிரச்சனைகளைக் கூறி பெற்றோர் மற்றும் குழந்தைகளின் இதயம் கவர்ந்த மருத்துவர் ஆனார். அறிஞர் அண்ணா அவர்கள் “முகத்தில் புன்னகையும் , அகத்தில் நம்பிக்கையும் , செய்கையில் சுத்தமும் ,பணியில் நேர்மையும் சிந்தனையில் தன்னலம் கருதாத தன்மையுமிருந்தால், நாம் செய்யும் எந்த பணியும் மகிழ்வே “. என்று கூறி உள்ளார் . முகத்தில் புன்னகையுடன் தன்னுடையப்பணியை செவ்வனே செய்து , குழந்தைகள் பலரின் நோய்களுக்கு மருந்து, மாத்திரைகளையும் வழங்கிய மருத்துவர் ஐயா அவர்களை வணங்கி மகிழ்கிறேன்

....நன்றி! திருச்சிராப்பள்ளி மாநகராட்சி மற்றும் Dr.R.ARUNPRASAD MBBS medical officer Rbsk Trichy city Corporation

4th Std - FA b Question Paper -TEST No - 3

- Term 3 - 

- 4th Std - 

- FA b Question Paper -

- TEST No - 3 -
கீழே உள்ளது உங்கள் பார்வைக்கு மட்டுமே,
இதன் உண்மை , முழு PDF யை Download செய்ய , 

Click Here.

முழு PDF யை Download செய்ய , 
Click Here.

`5, 8-ம் வகுப்புகளுக்குப் பொதுத்தேர்வு வந்தால் மன அழுத்தம் அதிகரிக்கும்!' - எச்சரிக்கும் சமூக ஆர்வலர்கள்

`5, 8-ம் வகுப்புகளுக்குப் பொதுத்தேர்வு வந்தால் மன அழுத்தம் அதிகரிக்கும்!'
- எச்சரிக்கும் சமூக ஆர்வலர்கள்

5 மற்றும் 8-ம் வகுப்பு மாணவர்களுக்கும் பொதுத்தேர்வு வைப்பது இடைநிற்றலை அதிகரிக்கும் என்று ஆர்வலர்கள் கொந்தளிக்கின்றனர்.

கட்டாயக் கல்வி உரிமைச் சட்டத்தின் படி 8-ம் வகுப்பு வரை பயிலும் மாணவர்களைக் கட்டாயம் தேர்ச்சி பெற வைக்க வேண்டும். இதனால் மாணவர்களின் கல்வித் தரம் பாதிக்கப்படுவதாகக் கூறி, 5 மற்றும் 8-ம் வகுப்பு மாணவர்களுக்குப் பொதுத்தேர்வு வைக்கும் நடைமுறையை மத்திய அரசு கொண்டுவர இருக்கிறது. இதற்கான சட்ட மசோதா மாநிலங்களவையில் தாக்கல் செய்யப்பட்டுள்ளது.

இந்தநிலையில், 5 மற்றும் 8-ம் வகுப்பு மாணவர்களுக்குப் பொதுத்தேர்வு நடத்தப்பட்டால் அது மாணவர்களை உளவியல் ரீதியாக பாதிப்பதுடன், இடைநிற்றல் எண்ணிக்கையையும் கணிசமாக உயர்த்திவிடும் என்று ஆர்வலர்கள் வேதனை தெரிவிக்கிறார்கள்.

இதுகுறித்து ம.தி.மு.க. இளைஞரணிச் செயலாளர் வே.ஈஸ்வரனிடம் பேசினோம். அவர் கூறுகையில், `` 10 மற்றும் 12 ஆகிய வகுப்புகளுக்குப் பொதுத்தேர்வுகள் நடத்தப்பட்ட நிலையில், சமீபத்தில் 11-ம் வகுப்பிற்கும் பொதுத்தேர்வு நடைமுறைப்படுத்தப்பட்டுள்ளது. அதற்கு அடிப்படையான காரணம் ஒன்று இருக்கிறது. ஆனால், மத்திய அரசு தற்போது 5 மற்றும் 8 ஆகிய வகுப்புகளில் பயிலும் மாணவர்களுக்கும் பொதுத்தேர்வு நடைமுறைப்படுத்த முயல்கிறது. இதனால், அதிகம் பாதிக்கப்படுவது கிராமப்புற மாணவர்கள்தான் சி.பி.எஸ்.இ. மற்றும் தனியார் பள்ளிகளில் பயிலும் மாணவர்களும் 8-ம் வகுப்பு வரை கட்டாயத் தேர்ச்சி அளிக்கப்பட்டே வருகின்றனர். கட்டாயத் தேர்ச்சியால் கல்வித் தரம் குறைகிறது என்றால், அந்த மாணவர்களின் கல்வித் தரம் பாதிக்கப்படாமல் இருப்பது ஏன் என்ற கேள்வி இயல்பாகவே எழுகிறது. எனவே, 8-ம் வகுப்பு வரை உள்ள மாணவர்களை ஃபெயில் செய்வது அவர்களைப் பாதிக்கவே செய்யும். அதிலும், குறிப்பாகக் கிராமப்புற மாணவர்களின் குடும்பச் சூழலையும் இது பாதிக்கும் நிலை ஏற்படும். அவர்கள் அனைவரும் பொருளாதார ரீதியாகவோ அல்லது மற்ற சூழல்கள் ரீதியாகவோ ஒரே மாதிரியாக இருப்பதில்லை. இதனால் அவர்களுக்குப் புதிதாக ஓர் அழுத்தம் ஏற்படவே செய்யும். இந்தப் புதிய திட்டத்தால் மாணவர்கள் படிக்கவே லாயக்கற்றவர்கள் என்ற முத்திரை குத்தப்பட்டு, வேறு வேலைகளுக்கு அனுப்பப்படும் நிலை உருவாகும்.

பொதுத்தேர்வுமுறை கொண்டுவரப்படுவதில் பிரச்னை இல்லை. ஆனால், மாணவர்களை ஃபெயில் செய்வதிலேயே பிரச்னை தொடங்குகிறது. ஒருவேளை தேர்வு வைத்து மாணவர்கள் குறைவான மதிப்பெண் எடுத்தால், அதற்காக ஆசிரியர்கள், கல்வி அதிகாரிகள் மீதும் நடவடிக்கை எடுக்கலாம். தரமான கல்விச் சூழலை உருவாக்காத அரசு, மாணவர்களை பலிகடா ஆக்குவதை ஒருபோதும் ஏற்றுக்கொள்ள முடியாது. 5-ம் வகுப்புப் பயிலும் மாணவர் ஒருவர் தேர்வில் தேர்ச்சி பெறவில்லை என்றால், சரியான பயிற்றுவிப்பு முறை இல்லை, சரியான ஆசிரியர்கள் இல்லை என்பதே. ஆனால், அதற்காக மாணவர்களைக் குறைகூற முடியாது. அந்த மாணவன் குறைவான மதிப்பெண்கள் எடுப்பது புறச்சூழல் பாதிப்புகளால் மட்டுமே; மாறாக அந்த மாணவனின் அறிவுத் திறன் காரணமாக அல்ல என்பதை நாம் புரிந்துகொள்ள வேண்டும்.

5-ம் வகுப்பு பொதுத்தேர்வுக்கு மாணவர்களை 3 அல்லது 4-ம் வகுப்புகளிலிருந்தே பெற்றோர்கள் தயார் செய்யத் தொடங்கிவிடுவார்கள். இதனால் மாணவர்களின் வெளியுலகத் தொடர்பு முற்றிலுமாகக் குறைந்து பாடப்புத்தகங்களிலேயே மூழ்க நேரிடும். வயதுக்கு மீறி அதிகப்படியான விஷயங்களை அவர்களின் மூளைக்குள் திணிப்பதால், அவர்களுக்கு மன அழுத்தம் அதிகரிக்கவும் வாய்ப்புகள் அதிகம். ஏற்கெனவே பள்ளி மாணவர்கள் பாடப்புத்தகங்கள் தவிர, செய்தித்தாள் உள்ளிட்டவைகளை வாசிப்பது குறைந்துவரும் நிலையில், இது அந்த பாதிப்பை மேலும் அதிகப்படுத்தும். அதேபோல், விளையாட்டு உள்ளிட்ட உடல் ரீதியான செயல்பாடுகள் குறைந்துபோய், சரியான வளர்ச்சியை அவர்களால் எட்ட முடியாமல் போய்விடும் ஆபத்தும் இருக்கிறது. இது மாணவர்களின் ஒட்டுமொத்த ஒருங்கிணைந்த வளர்ச்சிக்கு மிகப்பெரும் தடையாக இருக்கும் என்பதில் மாற்றுக்கருத்தில்லை.

மத்திய அரசு நடத்தும் நவோதயா பள்ளிகளில் 6-ம் வகுப்புச் சேர்க்கைக்காக மாவட்ட வாரியாக நுழைவுத் தேர்வுகள் ஏற்கெனவே நடைபெற்று வருகின்றன. இந்தத் தேர்வில் தேர்ச்சி பெற்றால் மட்டுமே நவோதயா பள்ளிகளில் 6-ம் வகுப்பில் சேர முடியும். இதனால் குறிப்பிட்ட அந்த மாவட்டத்தில் நன்றாகப் படிக்கும் மாணவர்கள் நவோதயா பள்ளிகளில் சேர்க்கப்படுகிறார்கள். அவர்களை வைத்து நவோதயா பள்ளிகளின் செயல்பாடு சிறப்பானதாக இருக்கிறது என்று மதிப்பிட முடியுமா?. அதேபோல், நாடு முழுவதும் நடத்தப்படும் போட்டித்தேர்வுகளுக்கு மாணவர்களைத் தயார்படுத்துவதில் தேசிய அளவில் ராஜஸ்தான் மாநிலத்தில் கோட்டா முன்னிலை வகிக்கிறது. ஐ.ஐ.டி. உள்ளிட்ட பெரிய கல்வி நிறுவனங்களில் பணியாற்றும் பேராசிரியர்களைக் கொண்டு மாணவர்களுக்குப் பயிற்சி அளிக்கப்படுகிறது. தேசிய அளவிலான போட்டித் தேர்வுகளில் கோட்டா பகுதியில் உள்ள மையங்களில் பயின்ற மாணவர்கள் சிறப்பாகச் செயல்படுகின்றனர். இதை வைத்து ராஜஸ்தான் மாநிலம் கல்வியில் முன்னேறி இருப்பதாக ஒரு முடிவுக்கு வர முடியுமா? ராஜஸ்தான் மாநிலத்தில் மாணவர்களின் தேர்ச்சி விகிதம் மிகவும் குறைவு.

அதேபோல், கட்டாயக் கல்வி உரிமைச் சட்டத்தின்படி, தனியார் பள்ளிகளில் 25 சதவிகித இட ஒதுக்கீடு அளித்து மாணவர்களுக்கு இலவச கல்வி அளிக்க வேண்டும் என்ற நடைமுறை இருக்கிறது. 5 மற்றும் 8 ஆகிய வகுப்புகளுக்கு பொதுத்தேர்வு நடைமுறைப்படுத்தப்பட்டால், தனியார் பள்ளிகளில் பயிலும் மாணவர்கள் 5-ம் வகுப்பைத் தாண்ட முடியாமல், அந்த வாய்ப்பைப் பயன்படுத்த முடியாமல் போய்விடும்'' என்றார் ஆதங்கத்துடன்.