நல்லூர் ஒன்றிய - கடலூர் மாவட்ட கீதா அசிரியர்

- புதுமை படைக்கும் -கடலுர்மாவட்டம், நல்லூர் ஒன்றியம்,
பெண்ணாடம்(மேற்கு).
ஊ.ஒ.ந.நிலைப்பள்ளியில் 3 ம்வகுப்பு
ஆசிரியர் திருமதி . கீதா.

...அவரின் முகநூல் பக்கத்திலிருந்து...

நான் மருத்துவத்திற்கான நுழைவு தேர்வில் 5 மார்க் குறைந்ததால் மருத்துவம் படிக்க முடியவில்லை. எனவே Anna University engineering படிக்க வாய்ப்பு கிடைத்தும் செல்லாமல் ...நான் ஆசிரியராக சென்று மாணவர்களை அதிக மதிப்பெண் பெற வைத்து சாதனையாளராக உருவாக்க வேண்டும் என்று ஆசிரியர் பணியை விரும்பி தேர்வு செய்தேன்....

ஒரு பிள்ளைக்குக் கிடைக்கும் ஆசிரியரைப் பொறுத்துத்தான் கல்வியில் அப்பிள்ளை காட்டும் ஆர்வமும் முன்னேற்றமும் வளர்ச்சியும் தங்கியிருக்கும் எனபதை உணர்ந்தவளாக என்னுடைய முதற்பயணம் ஆரம்பமானது.

ஒரு நாள் மதியம் சத்துணவு நான் பார்க்கும் முறை. உணவு வாங்கும் வரிசையில் என்னுடைய வகுப்பு (3) மாணவர் தட்டு கூட இல்லாமல் ஒரு தேக்க இலையை பறித்து உணவு வாங்கி அதனின் சூடு பொறுக்காமல் அவனின் கலங்கிய நிலை கண்டு என் மனம் இளகி போனது . உடனே என் வகுப்பு செல்வங்களுக்கு அழகிய lunch boxes வாங்கி கொடுத்தேன் .

எங்கள் பள்ளி மாணவர்கள் அனைவரும் ஊசி பாசி விற்பவர்கள்,மலையாள சோதிடர்கள்,ஆதிதிராவிடர்,பழங்குடி இருளர்கள்.இவர்கள் திருவிழா சமயத்தில் ஊசி,பாசி விற்க, சோதிடம் பார்க்க குடும்பத்துடன் சென்று விடுவர்.எனவே drop outs அதிகமாக இருந்தது
இதனை குறைக்க என்ன வழி என்று நான் யோசித்து கண்டு பிடித்தது தான் full attendance price for every month.இதன் மூலம் இடைநிற்றல் வெகுவாக குறைந்துள்ளது...குழந்தைகள் விடுப்பு எடுக்காமல் ஆர்வமாக பள்ளிக்கு வர தொடங்கினார்கள்...ஒவ்வொரு மாதமும் என்னுடைய சொந்த செலவில் குழந்தைகளுக்கு பரிசு வழங்கி வருகின்றேன்..

எனது மாணவனுக்குக் கல்வி கற்பிக்கும் போது அம்மாணவனைப் பற்றிய பூரண அறிவு அவனைக் கற்பிக்கும் ஆசிரியராகிய எனக்கு இருக்க
வேணடும்....என்பதை புரிந்துகொண்டவளாக..

பாசி ஊசி விற்கும் சமூகத்தை சார்ந்த குழந்தைகள் படிப்பில் பின் தங்கி இருந்தனா்...அவர்கள் வாழ்வில் ஒளியேற்ற அந்த குழந்தைகளிடம் அவர்களின் மொழியை(VagriBoli) கற்றுக்கொண்டு அவர்களது மொழியில் நான் பேச குழந்தைகள் ஆங்கிலத்தை எளிதாக கற்க தொடங்கிவிட்டனர்...மாணவர்களும் ஆர்வமாக படிக்க தொடங்கிவிட்டனர்...

அனைத்து பழங்குடி குழந்தைகளையும் ஆங்கிலத்தில் அழகாக பேச வைக்கின்றேன்.

என்னுடைய கற்பித்தல் முறைகள்;

நான் பாடத்தின் தன்மை, மாணவர்களின் தன்மை, அவர்களின் புரிந்து கொள்ளும் தன்மை ஆகியவற்றை மனதில் கொண்டு கற்பித்தல் முறையை திட்டமிடுகின்றேன் ..நான் பயன்படுத்தும் கற்பித்தல் முறைகள்.
நடித்தல் முறை கற்பித்தல் :செய்கை முறை கற்பித்தல் எனக்கென தனிமுறைகளை பயன்படுத்துகின்றேன்..
மேலும்
பாத்திரம்மேற்றுநடித்தல் மாணவர்கள் செயற்பாட்டு அனுபவம் திருப்தி பெறுகின்ற கற்பித்தல் முறையையும் நான் பயன்படுத்துகின்றேன் .பாத்திரமேற்று நடித்தலின் போது ஓர் உயிர்துடிப்புள்ள பாத்திரத்தை அல்லது சந்தர்பத்தை மாணவர்களால் நடித்துக் காட்டுகின்றார்... எனவே மாணவர் மிகவும் விருப்பத்தோடு செயற்படுவதற்கு இந்த நுட்ப முறை நன்கு உதவுகிறது...

கற்பிக்கும் நேரத்திலே முக மலர்ச்சியுடன் கற்பித்தால் மட்டுமே மாணவர்கள் அனைவரும் மற்றவர்களுடன் அன்பாக பழகுவார்கள். அதனால் என் மாணவர்கள் அனைவருக்கும்
brother,(சகோதரர்கள்) sister (சகோதரிகள்) என்று அழைக்க பழக்கபடுத்தி உள்ளேன்..
Can I go to toilet?Can I drink water? என்று தான் அனைத்து மாணவர்களுமே கேட்கச் சொல்லி கொடுத்துள்ளேன்.

Sorry சொன்னால் It's Ok என்பதும்,அவர்கள் கைத்தட்டல் பெறும் போது THANK U TO ALL , அதற்கு கைத்தட்டியவர்கள் Welcome brother or sister எனறு கூறுமாறு என் மாணவர்களுக்கு நல்ல பண்பை கற்று கொடுத்து வருகின்றேன்....

குழந்தைகளின் நல்ல செயல்பாடுகள் அவர்கள் பெற்றோர்களுக்கே மகிழ்ச்சி அளிக்கும் எனவே ஒரு ஆசிரியராகிய நான்
மாணவர்களுக்கு பரிட்சை வைத்து நல்ல மதிப்பெண் பெறும் மாணவர்களை பாராட்டி ஊக்கபடுத்தி பரிசுகள் வழங்கி வருகின்றேன்..இதனால் மாணவர்கள் படிப்பில் ஆர்வம் காட்டுகின்றனர்..வறுமை கோட்டிற்கு கீழ் உள்ள எனது பள்ளி மாணவர்களுக்கு என்னால் முடிந்த உதவிகள் செய்து வருகின்றேன்...மேலும் எனது

மாணவர்கள் அனைவருக்கும் கண் கட்டி வித்தை மூலம் மாவட்டங்களை எளிமையாக கூறி மாணவர்கள் விரும்பி படிக்க நான் பல முறைகளை செயல்படுத்துகின்றேன்.
நான் மேடை பேச்சாளார்...எனவே என்னுடைய மாணவர்களையும் மேடை பேச்சளராகவும் உருவாக்கி வருகின்றேன்....மேலும் பள்ளி மாணவர்கள் சிறுவயதில் உதவும் எண்ணத்தை அவர்கள் மனதில் விதைக்க கருணை உண்டியல் திட்டம் தொடங்கி எங்களால் முடிந்த சிறு தொகையை உண்டியலில் செலுத்தி அதில் சேமிக்கும் பணத்தை மாணவர்கள் விருப்பத்தின் படி அருகில் உள்ள ஏழைகளுக்கு மாதந்தொறும் உதவி வருகின்றோம்....
மாணவர்களிடம் சுத்தத்தை பற்றிய விழிபுணர்வு ஏற்படுத்துவதற்காக தினந்தொறும் சாப்பிடு முன்னும் கழிப்பறை சென்று விட்டு வந்த பின்னும் சோப்பிட்டு கை கழுவும் பழகத்தையும் சொல்லி கொடுத்துள்ளேன்....
தினந்தோறும் செயல்படுத்தி ?வருகின்றேன்...

பெண்கள் மற்றும் மாற்று திறனாளி மாணவர்கள் கல்வியில் தனிகவனம் எடுத்து வருகின்றேன்....

மாதந்தோறும் மாணவர்கள் கல்வி சமபந்தமாக அவர்களது பெற்றோருடன் கலந்து உரையாடி வருகின்றேன்...

மாதந்தோறும் எனது மாணவர்களை ஊக்கபடுத்த என்னால் முடிந்த பரிசு பொருட்களை வாங்க எனது சம்பளத்தில் ஒரு பகுதியை செலவு செய்கின்றேன்...

இவ்வாறு நாளொறு மேனியும் பொழுதொறு வண்ணமுமாக இவரது வகுப்பறை வாசனையாகி சுகந்த நறுமணத்தை வீச வைக்கும் ஆசிரியராக விளங்க ஆசைப்படுகின்றேன்

வீ.கீதா.
ஊ.ஒ.ந.நிலை. பள்ளி,
பெண்ணாடம்( மேற்கு)
நல்லூர் ஒன்றியம்,
கடலூர் மாவட்டம்.

இளமையில் கல்வி சிலையில் எழுத்து'' என்றெல்லாம் பழமொழிகள் உண்டு. பள்ளிப்பருவத்தில் கண்ணும் கருத்துமாக வளர்க்கப்படும் பிள்ளை எதிர்காலத்தில் சிறந்த ஒரு பிரஜையாக உருவெடுக்கும் என்பது என்னுடைய திண்ணம்.

கண்டிப்பாக என் மாணவர்கள் ஒருநாள் சிகரம் தொடுவார்கள் என்ற நம்பிக்கை ஆசிரியராகிய எனக்கு என்றும் உண்டு...நன்றி..