காவாந்தண்டலம், காஞ்சிபுரம் ஒன்றியம்- ஆசிரியர் திரு சரவணன் அவர்கள்

காவாந்தண்டலம், காஞ்சிபுரம் ஒன்றியம்-
ஆசிரியர் திரு சரவணன் அவர்கள்

ஓர் அரசு பள்ளி ஆசிரியர் நினைத்தால் தன் பள்ளி எந்த நிலையில் இருந்தாலும் மிக சிறந்த இடத்திற்கு கொண்டுவர முடியும் என்பதற்கு ஓர் உதாரணம் எங்கள் காஞ்சிபுரம் ஒன்றியம் காவாந்தண்டலம் ஆசிரியர் திரு சரவணன் அவர்கள். பேருந்து வசதியே குறைவாக உள்ள தன் கிராமபுற பள்ளி குழந்தைகளும் கணினி அறிவில் சிறந்து விளங்க வேண்டும் என்பதற்காக தன் மோதிரத்தையும் அடகு வைத்து எவ்வளவோ சிரமங்களை கடந்து இன்று தன் வகுப்பில் கணினி வழி கல்வியை கொண்டுவந்துள்ளார்

அவரின் முயற்சியை கண்ட த.ஆசிரியர் தன்னுடைய பங்கும் இதில் இருக்க வேண்டும் என்று கூறி தன்னால் இயன்ற உதவிகளை செய்து அவரை மேலும் ஊக்கப்படுத்தியுள்ளார். இந்த வகுப்பறையானது முன்னர் பார்க்கும் போது நாங்கள் பார்த்தவிதம் வேறு. ஆனால் இப்போது அங்கேயே சென்று பணிபுரியவேண்டும் போல் உள்ளது. மாற்றம் என்பது முதலில் ஆசிரியருக்கு வேண்டும் என்பதற்கு இவர் ஓர் உதாரணம்.
தன்னால் முயன்றவரை தன் வகுப்புக்கும் தன் பள்ளிக்கும் அந்த குழந்தைகளுக்கும் முடிந்த மாற்றங்களை செய்து மிகப்பெரிய மாற்றத்தை உண்டாக்குவேன் என்று அவர் கூறும் போது மனம் மகிழ்ச்சியாக இருந்தது. அந்த ஆசிரியருக்கும் அவருக்கு ஊக்கம் அளித்து என்றும் துணையாக இருக்கும் அவர் தலைமை ஆசிரயருக்கு வாழ்த்துக்கள்.